Со купувањето на брендот Dacia групата Renault го прошири своето портфолио.

Dacia, романската марка на автомобили, денес во сопственост на Renault е основана во 1966 година во местото Питешти под името Uzinei de Autoturisme Pitesti. Во 1968 година потпишан е првиот договор со Renault за производство на моделот Dacia 1100 по моделот Renault 8, а во 1969 година почнува производството на моделот Dacia 1300 по моделот Renault 12. Се до 1995 година Dacia ги произведува моделите по лиценца на Renault, а истата година од производните ленти излегува и моделот Dacia Nova или првиот самостојно развиен автомобил од марката Dacia. Во 1999 година Dacia станува член од групата Renault, а следната година се појавува моделот Dacia Super Nova, прв заеднички развоен модел на Renault и Dacia. Во 2003 година почнува да се произведува моделот Solenza, а во 2004 година Dacia Logan, со кој денес Dacia амбициозно настапува на светскиот пазар.